Помяни, Господи Боже наш, в вере и надежде живота вечнаго, представившихся рабов Твоих, братьев наших и сестер, яко благ и человеколюбец, отпущаяй грехи и потребляяй неправды, ослаби, остави и прости все их согрешения вольные и невольные, избави их вечныя муки и огня геенскаго и даруй им причастие и наслаждение вечных Твоих благих уготованных любящим Тя. Аще бо и согреши, но не отступи от Тебе, и несумненно во Отца и Сына и Святаго духа, Бога, Тя в Троице славимаго, верова и единицу в Троицу и Троицу во единице, православно даже до последняго своего издыхания исповеда. Тем же милости тому буди и веру, яже в Тя, вместо дел вмени и со Святыми Твоими, яко щедр, упокой. Несть бо человек иже поживет и не согрешит, но Ты еси един кроме всякаго греха, и правда Твоя правда во веки, и ты еси един Бог милостей и щедрот и человеколюбия, и Тебе славу возсылаем Отцу и Сыну и Святому Духу, ныне и присно и во веки веков. Аминь.